Ադրբեջանի ռազմագերիների, պատանդների և անհետ կորածների հարցերով պետական կոմիտեի աշխատանքային խմբի ղեկավար Ֆիրդուլին Սադիգովն այսօր ասել է, որ եթե Ադրբեջանը անհրաժեշտ համարի, ապա կթույլատրի հայերին վերցնել հայկական խփված ուղղաթիռի օդաչուների մարմինները։ Նա նորից պնդել է, թե ուղղաթիռը խփվել է ադրբեջանական տարածքում։
«Մարմինները մնացել են այնտեղ, ոչ մի կողմը հնարավորություն չունի վերցնել դրանք, հայերն աղաչում են Կասպշիկին, բայց նա այդպիսի լիազորություն չունի։ Եթե Ադրբեջանն անհրաժեշտ համարի, ապա կթույլատրի վերցնել մարմինները», – APA գործակալության փոխանցմամբ` հայտարարել է Սադիգովը։
Ռազմագերիների, անհետ կորածների և պատանդների հարցերով զբաղվող պետական կոմիտեի այս պաշտոնյան խոսել է նաև Ղարաբաղում դատվող երկու ադրբեջանցիների` Դիլհամ Ասկերովի և Շահբազ Գուլիևի մասին։
Հրաչ Մելքումյան
Կարդացեք նաև
Նյութի մանրամասները կարդացեք «Ազատություն» ռադիոկայանի կայքում
