Նոյեմբերի 10-ին Իջեւան քաղաքում, ոստիկանության Իջեւանի բաժնի շենքի առաջ հանդիսավոր միջոցառում է կայացել: Ոստիկանության Իջեւանի բաժնի պետ Կարեն Հակոբյանի խոսքերով՝ քանի որ մինչեւ ոստիկանության մասին օրենքի ընդունումը նոյեմբերի 10-ը նշվել է որպես միլիցիայի օր, ուստի իրենք նպատակահարմար են գտել այդ օրը, միլիցիայի վետերանների մասնակցությամբ, միջոցառում կազմակերպել, որի ընթացքում ծաղիկներ են դրվել ոստիկանության շենքի առաջ գտնվող զոհված ոստիկանների հուշարձանին: Միջոցառմանը շուք է տվել զինվորական նվագախումբը:
Նշենք, որ նոյեմբերի 10-ը նշվել է որպես խորհրդային միլիցիայի օր: 2001թ. ապրիլի 16-ին ընդունվել է «Ոստիկանության մասին» օրենքը, ՆԳ նախարարությունը վերանվանվել է ՀՀ ոստիկանություն, եւ ապրիլի 16-ը Հայաստանում նշվում է որպես ոստիկանության օր:
Ոսկան ՍԱՐԳՍՅԱՆ
Ամեն ինչ հասկանալի է, սակայն ինչ կապ ունի մարզպետարանի ֆինվարչության պետ Ռ.Ներսիսյանի շինությունը, ավելի ստույգ կապ ունի, սակայն ոչ միլիցիայի օրվա հետ: