ԱԻՆ-ի պաշտոնական կայքը տեղեկացնում է՝ նոյեմբերի 15-ին, ժամը 15.23-ին ահազանգ է ստացվել, որ Երևանի Սիլիկյան հին խճուղում՝ «Սան Լազարո» ռեստորանի մոտակայքում, այրվում է ոչ բնակելի տնակ:
Դեպքի վայր է մեկնել երկու մարտական հաշվարկ և ՃԿԿ ԱԻ արձագանքման խումբը:
Պարզվել է, որ հրդեհը բռնկվել է Սիլիկյան հին խճուղի 48/1 հասցեում գտնվող ոչ բնակելի վագոն-տնակում:
Հրդեհը մեկուսացվել է ժամը 15.34-ին, մարվել՝ 16.08-ին: Ամբողջությամբ այրվել են Հ. Մ.-ին պատկանող վագոն-տնակի փայտյա կառուցատարրերը՝ 27 քմ:
