«Գառզուի արվեստին վաղուց եմ ծանոթ. այն ինձ վրա բարերար ազդեցություն է թողնում»,- ի պատասխան մեր հարցի, թե որքանո՞վ է ֆրանսիահայ գեղանկարիչը հայտնի հայ հասարակությանը, ասաց արվեստասեր տիկին Անահիտը: Տեղեկացնենք, որ այսօրվանից մինչ նոյեմբերի 25-ը «Արամե» պատկերասրահում կցուցադրվեն նկարիչ Ժան Գառզուի (Գառնիկ Զուլումյան) աշխատանքները: «Վերջին ցուցահանդեսից ի վեր՝ շուրջ 17 տարի, Գառզուի արվեստը Հայաստանում մոռացված է եղել, թեև նա գեղանկարչության ամենաակնառու ներկայացուցիչներից է», – նշեց ցուցահանդեսի կազմակերպիչներից արվեստաբան Մանե Սարգսյանը:
Ստեղծագործական կյանքի վերջին 40 տարիների ընթացքում հեղինակի թողած ժառանգությունն աչքի է ընկնում ժանրային բազմազանությամբ՝ դիմանկարներ, բնանկարներ, նատյուրմորտներ: Նմուշների մի մասը ձեռք է բերվել անհատ հավաքորդներից ցուցադրության նպատակով, իսկ մյուս մասը պատկերասրահինն է և ենթակա է վաճառքի:
Անի ԱՆՏՈՆՅԱՆ
Գառզուն` Գառնիկ Զուլումյանը մահվանից հետո փոխել է ? իր ազգանունը ու դարձել է Զուլալյան? Ձեզ մի քանի անգամ զգուշացրել են. գրելուց հետո կարդացեք Ձեր գրածը :