Թուրքիայի կողմից 1915թ. հայերի զանգվածային կոտորածների ամբողջական և անկեղծ ճանաչումը բխում է Թուրքիայի և Հայաստանի շահերից, «Հուրիեթ»-ին տված հարցազրույցում հայտնել է Թուրքիայում ԱՄՆ նորանշանակ դեսպան Ջոն Բասը, փոխանցում է «ՌԻԱ Նովոստի»-ն:
«Ինչպես և նախկինում, մենք կարծում ենք, որ այդ սարսափելի իրադարձությունների, զանգվածային սպանությունների և ողբերգությունների ամբողջական և անկեղծ ճանաչումը բխում է ինչպես Թուրքիայի, այնպես էլ Հայաստանի շահերից, ինչպես նաև այս տարածաշրջանում կայունություն հաստատելու և ամրապնդելու մեր և Թուրքիայի ընդհանուր շահերից», – ասել է Բասը`ավելացնելով, որ վերջին 20 տարիների ընթացքում «1915թ. դեպքերին» թուրք հասարակությունն ավելի հաճախ է անդրադառնում, ինչը նրա համար «առողջ առաջընթաց է»:
Դիվանագետը ողջունել է Թուրքիայի նախագահ Ռեջեփ Թայիփ Էրդողանի վարչապետ եղած ժամանակ արած հայտարարությունը, որտեղ նա ցավակցություն էր հայտնել «1915թ. դեպքերի զոհերի սերունդներին»:
Կարդացեք նաև
Պատրաստեց Հովհաննես Իշխանյանը
