Վարչական դատարանում այսօր՝ նոյեմբերի 14-ին, դատավոր Սամվել Հովհակիմյանը հրապարակեց քաղաքացիական ակտիվիստ, տնտեսագետ Սուրեն Սահակյանի դեմ ոստիկանության ներկայացրած դատական գործով վճիռը:
Դատարանը մասնակիորեն բավարարեց Սուրեն Սահակյանի հակընդդեմ հայցը եւ ոստիկանության՝ անհրաժեշտության բացակայության պայմաններում Սուրեն Սահակյանին ձերբակալելու եւ ոստիկանության բաժնում պահելու գործողությունները ոչ իրավաչափ համարեց:
Հիշեցնենք՝ 2013 թվականին Երեւանի քաղաքապետարանի առջեւ կատարված նստացույցի ընթացքում Սուրեն Սահակյանը քնել է քաղաքապետարանի աստիճաններին եւ բերման է ենթարկել: Ոստիկանությունը հայտարարել էր, որ Սուրեն Սահակյանը հասարակության ընդունած բարոյական օրենքներն է խախտել:
Սուրեն Սահակյանը Aravot.am –ի հետ զրույցում նշեց, որ խիստ կասկածում էր, որ դատարանը կարող է որեւէ գործ բավարարել, քանի որ ավելի անտրամաբանական գործեր են եղել, որոնք դատարանը մերժել է. «Օրինակ՝ բարձրախոսով խոսելու համար տուգանել է, ինչո՞ւ պետք է աստիճաններին քնելու համար չտուգանի, այդ պատճառով՝ մտածում էի, որ որոշ պահից հետո սկսել են քաղաքական որոշումներով կայացնել դատական վճիռները, ոչ թե իրավական նորմերով, զարմանալի է: Ժողովրդավարական պատրանք ստեղծելու միտում կա, որ կարծես դատարանը անաչառ է. Մի գործը բավարարում է, մյուսը մերժում է»:
Կարդացեք նաև
Ամի ՉԻՉԱԿՅԱՆ
