«Վաղուց արդեն պարզ է, որ Սահմանադրական դատարանը վաղուց արդեն քաղաքական մարմին է և ոչ թե բարձր դատարան ու կատարում է այն, ինչ ասում է իշխանությունը: Այնպես որ՝ կասկած չկա, որ Սահմանադրական դատարանը ԵՏՄ-ին անդամակցության հարցի սահմանադրականությունը կճանաչի»,- այսօր խորհրդարանական ճեպազրույցներում հայտարարեց «Ժառանգություն» խմբակցության ղեկավար Ռուբեն Հակոբյանն`անդրադառնալով ՍԴ-ում ընթացող ԵՏՄ-ին անդամակցության փաստաթղթի քննարկումներին:
Այս պահին ՍԴ-ն քննում է Հայաստանի՝ ԵՏՄ-ին անդամակցության սահմանադրականության հարցը:
Ներկայացնելով իրենց դիրքորոշումը «Ժառանգության» ներկայացուցիչը հայտարարեց, որ իրենք դեմ են լինելու պայմանագրի վավերացմանը, քանի որ համարում են`պայմանագիրը հակասահմանադրական է: Նաեւ Հայաստանի իրավիճակը այնպիսին է, որ ցանկացած ինտեգրացիոն պայմանագրի առկայության դեպքում խոչընդոտում է Հայաստանի ազատ գործելուն. «Եվ որևէ տեղ հստակեցված չի Արցախի հարցը»:
Նելլի ԳՐԻԳՈՐՅԱՆ
Կարդացեք նաև
