Հատված Հայ ազգային կոնգրեսի տնտեսական հարցերի հանձնաժողովի նախագահ Վահագն Խաչատրյանի հետ հարցազրույցից:
– Այս օրերին խորհրդարանում քննարկվում է 2015-ի բյուջեի մասին օրենքի նախագիծը։ Պետք է նկատենք, որ ներկայացված բյուջեի նախագծում արտացոլված չէ ԵՏՄ-ին Հայաստանի անդամակցությունը։ Մի՞թե այն էական ազդեցության չի կարող ունենալ բյուջեի վրա։
– Բացատրություններ տալիս են, սակայն ինձ համար դրանք ընդունելի չեն զուտ մասնագիտական եւ պատասխանատվության առումով։ Ֆինանսների նախարարությունը կամ կառավարությունը պարտավոր էին բյուջեում այդ հանգամանքը հաշվի առնել: Իրենք հիմնավորում են, որ դեռեւս վերջնական չէ որոշումը, բանակցություններ են գնում, որը շատ տարօրինակ է։ Համենայն դեպս անընդունելի է, որ բյուջեում չկա անդրադարձ, թե ԵՏՄ-ին Հայաստանի անդամակցությունը մեր տնտեսությանը ինչ առավելություն կամ մինուս կտա։
Մեկ կարեւոր թիվ ասեմ, որ ԵՏՄ-ի երկրների միջեւ ներմուծման չափը 26-27 մլրդ դոլար է եւ եթե դրանից հաշվարկվում է մեկ ու տասներեք գործակից, ստացվում է 270 կամ 280 մլն դոլարի մաքսատուրքերի չափ՝ մուտք Հայաստանի համար։ Բայց մեզ մոտ, մեր սեփական մաքսատուրքերը ընդամենը հաշվարկված են 25 մլրդ։ Այսինքն՝ մենք ավելին կարող ենք ստանալ, քան նախատեսված է բյուջեում։ Եվ դա էականորեն բյուջեն կփոխի, քանի որ այն մոտ 15 եւ ավելի տոկոս եկամուտ է։ Այս հանգամանքը հաշվի առնված չէ։
Կարդացեք նաև
Դա նշանակում է մեկ բան, որ իշխանությունը կամ լուրջ չի վերաբերվում բյուջեին, կամ լուրջ չի վերաբերվում, որ Հայաստանի անդամակցությունը մինչեւ վերջ իրականություն կդառնա։
Հովհաննես ՄՈՒՐԱԴՅԱՆ
Հարցազրույցն ամբողջությամբ կարող եք կարդալ «Չորրորդ իշխանություն» թերթի այսօրվա համարում
