Երեկվա ողբերգական միջադեպը Ղարաբաղում լայնածավալ գործողությունների սկիզբ չի դառնա: «Ազատության» հետ զրույցում նման համոզմունք հայտնեց ռուսաստանցի փորձագետ Վադիմ Դուբնովը։
«Ամռանը մենք ականատես էինք ավելի լուրջ լարվածության, և այն ժամանակ ասում էին, թե սա պատերազմի սկիզբ է՝ իրականում այդպես չեղավ։ Ես համոզված եմ և շատ եմ ուզում, որ այս անգամ էլ ուղղաթիռի հետ կապված միջադեպը չդառնա լայնածավալ ռազմական գործողությունների սկիզբ», – ասաց ռուսաստանցի փորձագետը։
Դուբնովի խոսքով՝ հայ – ադրբեջանական շփման գոտում այսօր ռազմական գործողությունները ձեռնտու չեն ոչ Հայաստանին, ոչ Ադրբեջանին, ոչ էլ երրորդ ուժին՝ Ռուսաստանին։
«Մի կողմից՝ Մոսկվային ձեռնտու է ստանձնել Ղարաբաղում մի փոքր լարվածության կարգավորողի դերը, մյուս կողմից՝ ցանկացած լարվածություն Ղարաբաղում կարող է վերածվել լայնածավալ գործողությունների, որոնք այսօր ամենևին էլ չեն բխում Ռուսաստանի շահերից», – ասաց փորձագետը։
Ազա Բաբայան
Կարդացեք նաև
Նյութի մանրամասները կարդացեք «Ազատություն» ռադիոկայանի կայքում
