Դիլիջան քաղաքի կենտրոնում 6 տարի առաջ սկսվել եւ չի շարունակվում բարձրահարկ հյուրանոցի շինարարությունը: Ջեյմս Թուֆենկյանը «Դիլիջան» պատմաճարտարապետական համալիրի վերականգնման համար ներդրել է 2.4 միլիոն դոլար: Թուֆենկյանը 2008 թվականին նշված համալիրի տարածքում սկսել է հյուրանոցի կառուցումը: Հյուրատան շինարարությունը հիմքերից վեր չի բարձրացել:
Հիմքերից ցցված մետաղա ամրաձողերը դիլիջանյան խոնավությունից արդեն ժանգոտել են: Հյուրանոցի վերեւի մասում կառուցված ցանկապատը խանգարում է քաղաքի կենտրոնական` Մյասնիկյան փողոցի երթեւեկությանը: Մի քանի անգամ այդ հյուրանոցի շինարարության վերսկսման ժամկետներ են նշվել, սակայն դրանք իրականություն չեն դարձել:
Տավուշի մարզպետ Հովիկ Աբովյանը հայտնեց, որ Դիլիջանի քաղաքապետ Արմեն Սանթրոսյանի հետ քննարկել է այդ խնդիրը, ինքն այդ հարցը ներկայացրել է վարչապետ Հովիկ Աբրահամյանին: Մարզպետի խոսքերով՝ «Թուֆենկյան» ընկերությունը խոստացել է կիսակառույցի շինարարությունն ավարտել, հակառակ դեպքում Դիլիջանի քաղաքապետարանը միջոցներ կձեռնարկի այդ տարածքի նկատմամբ «Թուֆենկյան» ընկերության ունեցած իրավունքները չեղյալ դարձնելու համար:
Կարդացեք նաև
Ոսկան ՍԱՐԳՍՅԱՆ
