Հոռոմի խաչմերուկում այրված գազելի մեջ եղել են նաև Հաբեթ եւ Գայանե Սեդրակյանները՝ ծնված 1962թ. և 1965թ.-ններին: Վերջիններս գնացել էին մայրաքաղաք հարսանիքի մասնակցելու ու վերադարձել էին քեֆ-ուրախությունից:
Ինչպես Aravot.am-ին ասաց Ախուրյանի գյուղապետ Արծրուն Իգիթյանը, ամուսիններին հուղարկավորել են այսօր՝ փակ դագաղներով: Գյուղապետի ասելով, նրա երկու դուստրերը մայրաքաղաքում են բնակվում, իսկ Ախուրյանում նրանք բնակվում էին 75-ամյա տատիկի՝ Հաբեթի մոր հետ: Գյուղապետն ասում է , որ Հաբեթը աշխատում էր Սամվել Ալեքսանյանին պատկանող շաքարի գործարանում:
Մեր այն հարցին, թե գյուղապետարանը որևէ օգնություն ցուցաբերե՞լ է Սեդրակյանների հարազատներին հուղարկավորությունը կազմակերպելու հարցում, գյուղապետը տեղեկացրեց, որ Ախուրյանի գյուղապետարանը 300 հազար դրամ է փոխանցել:
Կարդացեք նաև
Նունե ԱՐԵՎՇԱՏՅԱՆ
