«Դրական պետք է համարել այն, որ այսօր «գենդեր» բառը ընկալվում է որպես կոպիտ հայհոյանք, որի համար փողոցում կարող են դանակով խփել»,- այսօր` նոյեմբերի 12-ին, «Այլասերում քարոզող կազմակերպությունների նետած նոր մարտահրավերները եւ համահայկական արժեհամակարգային դիմադրական ճակատի դրսեւորումը» թեմայով կլոր սեղան քննարկման ընթացքում հայտարարեց «Իրավունք» թերթի գլխավոր խմբագիր Հովհաննես Գալաջյանը:
Նա համարում է, որ ընտանիքի գործերին չպետք է լինի որեւէ միջամտություն, եթե ծանր հանցագործություն չի կատարվել. «Մենք պետք է այդ «ընտանեկան բռնություն» եզրը մերժենք, չօգտագործենք: Բռնությունը մնում է բռնություն, հանցագործությունը մնում է հանցագործություն: Եթե ընտանիքում ծանր մարմնական վնասվածքներով դեպք է կամ սպանություն, դա ոստիկանության սովորական գործառույթ է»:
Պարոն Գալաջյանը համարում է, որ պետք է պաշտպանել ընտանիքի ինքնիշխանությունը եւ «ընտանեկան բռնություն» եզրին հակադրել «ընտանիքի ինքնիշխանություն» եզրը:
Ամի ՉԻՉԱԿՅԱՆ
