«Ինչի՞ հաշվին պետք է ՀՆԱ-ն աճի: Ներդրումներ չկան, այնքան եք փոքրացրել բյուջեն, որ ծախսում եք մենակ աշխատավարձի համար: Սոցիալական կարող է լինել բյուջեն, երբ սոցիալական ծախսե՞ր եք անում: Մեր բյուջեն փոքր է Մեր բյուջեն կազմում է ՀՆԱ-ի 20 %-ը, ըստ ՀԲ-ի, պետք է կազմի ՀՆԱ-ի 30 %-ը: Գիտությանը փող ենք տալիս 10-11 մլրդ: Ակադեմիկոսներին ընտրում են համերկրացու՝ զեմլյակի սկզբունքով: Ես չեմ ասում բոլորին՝ մեկ-երկու բացառություններ կան»,- այսօր ԱԺ-ում 2015-ի բյուջեի նախագծի մասին այսպիսի կարծիք հայտնեց ՀԱԿ խմբակցության ղեկավար Հրանտ Բագրատյանը:
Ըստ նրա, պետք է երկրում ստեղծել խոշոր պրոյեկտներ՝ շինարարության ոլորտում, ենթակառուցվածքների նախագծեր եւ այլն. «Տարածեք ամբողջ Սփյուռքով մեկ: Ոչ թե ձեր համահայկական հիմնադրամը, որ բարեգործություն է մենակ անում: Մենակ խոշորների ուժը, ինտելեկտը չի պատի, հայ ժողովուրդը պետք անի»:
Հրանտ Բագրատյանը նշեց, որ երբ կառավարությունն արտոնություն է տալիս՝ չի հասկացվում՝ դա արտոնությո՞ւն է, թե՞ հակառակը: Օրինակ, Սահմանամերձ բնակավայրերի համար նախատեսված արտոնությունները, Շրջանառության հարկը, որով արտոնություն էր նախատեսված ՓՄՁ-ներին:
Կարդացեք նաև
Հռիփսիմե ՋԵԲԵՋՅԱՆ
