Ֆինանսների նախարար Գագիկ Խաչատրյանը երեկ հայտարարել է, որ շուտով Հայաստանի մաքսակետերում Եվրասիական միության ներկայացուցիչներ կլինեն՝ Հայաստանի մաքսային ծառայության հետ աշխատելու համար: Այս ներկայացուցիչներին այլ կերպ պարզապես կարելի է համարել ռևիզորներ, և սա ի գիտություն մարդանց, որոնց կարծիքով՝ Հայաստանի ինքնիշխանությանը ոչինչ չի պատահում ԵՏՄ-ին անդամակցելիս:
Սակայն այս հարցերից ամենաէականը շարունակում է մնալ Ղարաբաղի հետ սահմանը, որում մաքսակետի հարց, ըստ Գագիկ Խաչատրյանի, չի քննարկվում: Սակայն խնդիրն այն է, որ նման ձևակերպումների տակ Հայաստանի իշխանությունների ասածի իրական միտքն է թաքնված, որը հետևյալն է. առայժմ ԵՏՄ երկրները Հայաստանին չեն պարտադրում մաքսակետ դնել Ղարաբաղի հետ սահմանին: Կպարտադրեն, թե ոչ՝ այստեղ արդեն Հայաստանը չէ որոշողը, այստեղ Հայաստանն ընդամենը սպասողն է և հուսացողը, որ նման պարտադրանք չի լինի: Կլինի, թե ոչ՝ կախված է, իհարկե, Ռուսաստանի, Բելառուսի և Ղազախստանի հարաբերություններից: Եթե նրանք որոշեն միմյանց հետ վերստին ինչ-որ հարցեր պարզել, ապա չի բացառվում, որ կօգտագործեն նաև Հայաստանի հարցը՝ հիմնականում ՌԴ վրա ճնշում բանեցնելու համար; Իսկ օգտագործել Հայաստանի հարցը նշանակում է օգտագործել ղարաբաղյան սահմանի խնդիրը:
Մուսա Միքայելյան
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
Կարդացեք նաև
