«Եթե վստահեն՝ կարող եմ այդ երկու նախարարությունների միավորումից հետո ստանձնել նախարարի պաշտոնը»,- ԱԺ-ում լրագրողների հետ զրույցում ասաց արտակարգ իրավիճակների նախարար Արմեն Երիցյանը:
Հիշեցնենք, խորհրդարանն այսօր առաջին ընթերցմամբ հաստատեց կառավարության առաջարկած կառուցվածքային փոփոխությունները: Այդ նախագծով առաջարկվում է կառավարությունը համալրել նոր՝ ՀՀ միջազգային տնտեսական ինտեգրման և բարեփոխումների նախարարությամբ, ինչպես նաև ՀՀ արտակարգ իրավիճակների նախարարությունը միացնել տարածքային կառավարման նախարարությանը`ձևավորելով մեկ՝ տարածքային կառավարման և արտակարգ իրավիճակների նախարարություն:
Արմեն Երիցյանն ամենահավանական թեկնածուն է, որը երկու նախարարությունների միավորումից հետո կղեկավարի կառույցը:
Արմեն Երիցյանը նաև նշեց, որ նախարարությունների միավորումը, որն այդքան շատ հարցեր առաջ քաշեց, բացատրվում է նրանով, որ երկուսի՝ արտակարգ իրավիճակների և տարածքային կառավարման նախարարությունների գործառույթները իրար շատ նման են:
Նելլի ԳՐԻԳՈՐՅԱՆ
Կարդացեք նաև
