Սյունիքի մարզպետ Սուրիկ Խաչատրյանն օրերս Կապանում կառուցվելիք պահածոների գործարանի հիմնարկեքի արարողության ժամանակ հայտարարեց, որ Կապանի տարածաշրջանում աշխատատեղերի ստեղծման ծրագրերը պահածոների գործարանի շահագործմամբ չեն ավարտվելու: Նրա խոսքով` մարտ ամսից եւս մեկ նոր ծրագրի մեկնարկ կտրվի, որի իրականացման դեպքում ոչ թե հարյուրավոր աշխատատեղեր կստեղծվեն Կապանում, այլ` հազարավոր: Մարզպետը փակագծերը չբացելով՝ նշեց, որ նոր աշխատատեղեր կստեղծվեն հանքարդյունաբերության ոլորտում:
«Սյունիքում նոր հանքեր շահագործելու շատ լուրջ ծրագրեր կան: Սյունիքի հարավային մասի հիմնական զարգացումը լինելու է նաեւ լեռնարդյունաբերությունը: էդպես չի, որ մենք պետք է հրաժարվենք հանքարդյունաբերությունից, մենք ունենք բավականին ծննդավայրեր մետաղական, պետք է կարողանանք գայթակղենք ներդրողներին», -Aravot.am-ին տված հարցազրույցում ասաց մարզպետը` առանց մանրամասնելու, թե խոսքն ինչ ծրագրերի մասին է:
Իսկ մեր այն հարցին, թե արդյոք հանքարդյունաբերության զարգացումը չի՞ վնասի նոր մեկնարկած ծրագրին` մաքուր մթերք արտադրելու եւ արտահանելու գործընթացին, վերջինս պնդեց, որ հանքարդյունաբերությունը այդ ամենին չի խանգարելու: «Չեմ կարծում՝ Կապանի հանքերը կարող են այս գործարանին վնասեն, ամեն մեկն իր տեղն ունի, հավատացեք, չի խանգարելու», – տեղեկացրեց Սուրիկ Խաչատրյանը:
Մանրամասները` տեսանյութում
Կարդացեք նաև
Մերի ՍՈՂՈՄՈՆՅԱՆ
Սյունեցու «աչքը լույս»: Մահաբեր պոչամբարների ու հանքակույտերի արանքում թող գնա լոբի վարի կամ մոշ հավաքի,որ սովից չմեռնի, իսկ ԱՅԼԱՍԵՐՎԱԾ հանքային բարոնները թող ավե՛լի հարստանան՝ սյունեցո՛ւ ազգային հարստության/ընդերքի հաշվին:
«Աշխատատեղ ստեղծելը» դարձել է ԱՅԼԱՍԵՐՎԱԾ հայքային բարոնների շարունակական ԲԼԵՖԸ. բայց արի ու տես,որ կապանցու/սյունեցու 2/3-ը աղքատ-չքավոր է,իսկ 1/3-ը «բարեկամ» ռուսաստանի մութ խորքերում նոքարություն է անում:
Սյունիքի ԲՈԼՈՐ պոչամբարները ՍԽԱԼ են կառուցված. մի բան անու՞մ ես սրա դեմ. իբր թե «մարզպետ» ես:
ՀԳ. Ավետիք Բուդաղյանի հոգին գիշերը քեզ այցելու՞մ է: Իմացիր, որ ԱՄԲՈՂՋ հայ ազգի թիվ 1 ԱՏՎԱԾ անձն ես:
Երբ տգիտությունը դառնում է կառավարման համակարգի սիրելի հատկությունը` այսպիսի բաներ դեռ շատ կլինեն: Որտեղ որ կառուցվելու է այդ պահածոների գործարանը (Սյունիք համայնքում), համաձայն գիտական ուսումնասիրությունների ողջ գյուղմթերքը աղտոտված է ծանր մետաղներով: Մեկ էլ Լիսկան նոր տերմին է հա հնարել «ծննդավայրեր մետաղական»