Ռուսաստանի նախագահ Վլադիմիր Պուտինը հայտնել է, որ ռուբլու կտրուկ տատանումները սպեկուլյատիվ են և շուտով կդադարեն, փոխանցում է «Ռոսբալտ»-ը:
«Այսօր մեզ մոտ նկատվում է [ռուբլու] փոխարժեքի սպեկուլյատիվ թռիչքներ, բայց նկատի առնելով սպեկուլյանտների դեմ Կենտրոնական բանկի գործողությունները՝ շուտով այն կդադարի: Այս իրադարձությունները, որոնք մենք այժմ տեսնում ենք արժույթի շուկայում, ոչ մի կապ չունեն տնտեսական հիմնարար պատճառների և գործոնների հետ: Ամեն ինչ կընկնի համապատասխան հավասարակշռության մեջ», – ասել է Պուտինը Պեկինում ԱՏԷՍ-ի գագաթնաժողովի ժամանակ:
Նոյեմբերի 5-ին տատանումների ռեկորդը հասել էր 1 դոլարի դիմաց 48,65 ռուբլու, իսկ եվրոյի դիմաց՝ 60,27: Սակայն նույն օրը այն իջել էր 45,68-ի և 56,70-ի, իսկ երեկոյան կրկին բարձրացել 46,70-ի և 58,22-ի:
Այսօր արժույթի շուկաները բացվեցին ամերիկյան և եվրոպական փոխարժեքների անկման պայմաններում:
Կարդացեք նաև
Պատրաստեց Հովհաննես Իշխանյանը
