Հայկական կազմակերպությունները սկսել են Հայոց ցեղասպանության 100-րդ տարելիցի արշավը, և Թուրքիան պետք է այդ միջոցառումների դեմ ռազմավարություն մշակի, հայտնել է Թուրքիայի արտաքին գործերի նախարարության քաղաքականության մշակման վարչության տնօրեն Ալթայ Ջենգիզերը, փոխանցում է «Հուրիեթ»-ը:
«Ես նոր եմ վերադարձել Վաշինգտոնից, ու տեսել եմ, թե ինչպես են այնտեղ տարվում նախապատրաստական աշխատանքները, – ասել է դիվանագետը, – նրանց նպատակը Թուրքիային իր անցյալի մեջ խճճելն է»
Ըստ Ջենգիզերի, Թուրքիայի համար 2015թ. վատագույն սցենարներից մեկը կլինի այն, որ ԱՄՆ-ը օգտագործի Հայոց ցեղասպանություն եզրը:
«Թուրքիան կանի ամեն հնարավորը, որպեսզի կանխի հայերի պնդումները, որոնք հարվածում են թուրքերի ինքնությանը: Բայց ժամանակը ցույց կտա, թե ինչ հաջողության կհասնենք: Եթե մենք ձախողվենք, ապա անհրաժեշտ կլինի 2015թ. հետո ռազմավարություն մշակել, այլ տարբերակ չկա», – ասել է նա:
Կարդացեք նաև
Պատրաստեց Հովհաննես ԻՇԽԱՆՅԱՆԸ
