Քաղաքագետ Ալեքսանդր Իսկանդարյանը բնական է համարում Վրաստանում կոալիցիայի քանդման գործընթացը: Նրա համոզմամբ, եթե Հայաստանում ևս նման կոալիցիա լիներ, ապա նույն ճակատագրին կարժանանար, կփլուզվեր:
«Պատկերացրեք՝ եթե Հայաստանում միավորվել են բոլոր քաղաքական ու ոչ քաղաքական ուժերն իշխանության դեմ, մարքսիստներից մինչև դաշնակներ, Տեր-Պետրոսյանից սկսած մինչև Ծառուկյան, օլիգարխներից սկսած՝ վերջացրած ՕԵԿ-ով»,- այսօր «Հենարան» ակումբում ասաց քաղաքագետը:
Նրա գնահատմամբ, Վրաստանում ընդդիմության նոր կենտրոն է ձևավորվում և դեռ կդժվարանա ասել, թե արդյոք Իրակլի Ալասանիայի «Ազատ դեմոկրատներ» կուսակցությունը կհամագործակցի Սաակաշվիլիի հետ, թե ոչ: Չնայած Վրաստանում ստեղծված խառնաշփոթին, Ալեքսանդր Իսկանդարյանի համոզմամբ, Վրաստանը նախընտրելու է Եվրաասոցացման համաձայնագիրը՝ միաժամանակ չի հապաղելու հարաբերությունները կարգավորել Ռուսաստանի հետ:
Անդրադառնալով հայ-վրացական հարաբերություններին՝ նա այն որակեց ունիկալ՝ բացատրելով, որ վերջին 20 տարիներին Վրաստանն ու Հայաստանը մշտապես տարբեր քաղաքական ճամբարներ են ընտրել, բայց դա չի խանգարել, որ հարաբերությունները նորմալ լինեն:
Կարդացեք նաև
Վերջում էլ եզրափակեց, թե Վրաստանի հետ հարաբերությունները փչացնելու դեպքում Հայաստանին մեծ հարված կլինի:
Արփինե ՍԻՄՈՆՅԱՆ
