«Նիգ Ապարան» հայրենակցական միության հիմնադիր նախագահ Աղվան Հովսեփյանը միության 6-րդ համագումարի՝ մեկ տարով ուշ կազմակերպվելը չի պայմանավորում գլխավոր դատախազի պաշտոնից ազատվելու հանգամանքով:
«Որովհետեւ այս տասներկու տարիների ընթացքում տարբեր պաշտոններ եմ զբաղեցրել, իսկ համագումարները տեղի են ունեցել»,- ասաց Աղվան Հովսեփյանը:
Aravot.am-ի հարցին, թե ինչպես է վերաբերում եռյակի իշխանափոխության ծրագրին, հնարավո՞ր է նոր «Մարտի 1» լինի՝ հաշվի առնելով Գագիկ Ծառուկյանի կոչին, թե հարյուր հազարներով են պարտադրելու իշխանափոխություն, Աղվան Հովսեփյանը չպատասխանեց ու հարցրեց՝ ուրիշ հարցեր ունե՞ք: Եւ մնացած բոլոր հարցերին նույնպես չպատասխանեց ու ասաց, որ այդ հարցերով առանձին հարցազրույց կարող է տալ քննչական կոմիտեում, բայց ոչ այսօր ու հեռացավ:
Արփինե ՍԻՄՈՆՅԱՆ
