Aravot.am-ը Հայաստանի ճարտարապետների միության նախագահ Մկրտիչ Մինասյանից հետաքրքրվեց՝ եթե իրեն իբրեւ ճարտարապետ շահավետ առաջարկ արվի, որը սկզբունքներին դեմ կլինի, կընդունի՞, փոխզիջման կգնա՞ ներդրողի ու կառուցապատողի հետ համագործակցելիս: Պարոն Մինասյանն ասաց, որ իբրեւ ճարտարապետ, երբեք իրեն մեծ շենքեր չեն էլ պատվիրել, ապա փաստեց, որ ներկայումս մեր երկրում կառուցապատողներ ու ներդրողների առաջ պայմաններ դնելը չի էլ հասնում 30%-ի:
«Յուրաքանչյուր ճարտարապետի համար դժվար է լինում աշխատել ներդրողի հետ, իսկ պետական համակարգերը չեն կարողանում այդ առումով ճիշտ կառավարել, որովհետեւ ուրախանում են, որ փող է գալիս: Չնայած հիմա կամաց-կամաց իրավիճակը կարծես փոխվում է: Անձամբ ես կառաջարկեի ամեն ինչ դիտարկել քաղաքի հետ համահնչյունության համատեքստում՝ ինչպես պետք է լինի ճակատը, ինչ պետք է անել, որ տրանսպորտային խնդիրը լուծված լինի եւ այլն»,-ասաց մեր զրուցակիցը:
Հիշեցնենք, որ Հայաստանի ճարտարապետների միության նախագահը վերջերս իր մտահոգությունն էր հայտնել Երեւան քաղաքի մի շարք շինությունների ճակատագրի հետ կապված՝ նրանց հանդեպ վերաբերմունքը որակելով փնթի:
Գոհար ՀԱԿՈԲՅԱՆ
Կարդացեք նաև
Լուսանկարը՝ armradio.am
