«Ղարաբաղում ոչ մեկը չի կարող ասել, որ մենք դեմ ենք ճանաչմանը, այլ հարց է, թե այդ ճանաչումը որտեղից է սկսվում եւ որտեղ ավարտվում: Տեսակետներ կան, որ ճանաչումը պետք է սկսվի հենց Հայաստանից, կան նաև տեսակետներ, որ բոլոր պետությունները պետք է ճանաչեն, ինչից հետո միայն դա կանի Հայաստանը: Լեռնային Ղարաբաղի միջազգային ճանաչման գործընթացն արդեն սկսվել է, եւ մենք պետք է շարունակենք այդ գործընթացը:
Ամեն դեպքում, մեզ համար անընդունելի է այն տարբերակը, որ ներկայումս փորձում են Լեռնային Ղարաբաղի միջազգային ճանաչման հարցը մտցնել Հայաստանի խորհրդարանի օրակարգ: Մեզ համար ընդունելի կլինի, երբ այդ հարցը կմտնի խորհրդարանի օրակարգ Հայաստանի բոլոր քաղաքական ուժերի կոնսենսուսի արդյունքում, երբ հարցին կողմ կքվեարկեն բոլոր 131 պատգամավորները»,- այսօր հրավիրած ասուլիսում այսպիսի տեսակետ հայտնեց ԼՂՀ ԱԺ նախագահ Աշոտ Ղուլյանը՝ պատասխանելով հարցին, թե ինչպե՞ս է վերաբերվում, երբ «Ժառանգություն» խմբակցության պատգամավորները պարբերաբար բարձրացնում են Հայաստանի կողմից ԼՂՀ ճանաչման հարցը: ՀՀ ԱԺ արտաքին հարաբերությունների հանձնաժողովը ԼՂՀ-ում արտագնա նիստ է անցկացրել, որի ժամանակ իրենք այդ հարցին անդրադարձել են:
Ըստ Աշոտ Ղուլյանի, ԼՂՀ-ն ձգտում է միջազգային ճանաչման, եւ այդ թիրախը ոչ միայն Ղարաբաղինն է, այլ նաեւ Հայաստանի իշխանություններինը:
Թե ինչքանով կարող է ԵՏՄ-ի անդամակցությունը վնասել ԼՂՀ անվտանգությանը եւ ի՞նչ ազդեցություն կունենա ապրանքների արտահանման, գների, տնտեսության վրա՝ Աշոտ Ղուլյանն ասաց, որ այդ հարցում տարբեր տեսակետներ կան: «Չեմ բացառում, որ կարող է ազդել գների վրա նաեւ դրական իմաստով: Բայց Ղարաբաղում սովոր են հաշվել, երբ կոնկրետ իրավիճակներ կան: Վերացական հաշիվների մեջ մենք շատ թույլ ենք: Հիմա մենք ունենք այն, որ Հայաստանը կայացրել է որոշում Եվրասիական տնտեսական միությանն անդամակցելու մասին, սակայն դրանից հետո իրավիճակը չի փոխվել, եւ կարծում եմ, որ չի էլ փոխվելու»:
Կարդացեք նաև
Հռիփսիմե ՋԵԲԵՋՅԱՆ
Այդ դեպքում ի՞նչու ԼՂՀ իշխանությունները ՀՀ իշխանություններին կոչ չեն անում՝ ԼՂՀ-ն ճանաչելու համար: Ո՞ւմ կամ ի՞նչի եք սպասում. Ադրբեջանի ավելի հզորացմա՞նը, «մաքսակետերի՞ն», թե՞ ռուսական /ԵՏՄ «խաղաղապահներին»: