Երեկ երեկոյան Շառլ Ազնավուրը վերջապես արձագանքել է՝ իր ֆեյսբուքյան պաշտոնական էջում անելով հետեւյալ գրառումը. «Ես «Posta» թերթին հարցազրույց չեմ տվել։ Ես վիրավորված եմ այս նողկալի մեքենայությունից»։ «Ազնավուրը Հայաստանին» հիմնադրամի ղեկավար Ժերար Մարկոսյանը երեկ ասաց, որ երբ մամուլից տեղեկացել է Ազնավուրի՝ թուրքական թերթին հարցազրույց տալու մասին, զարմացել է. «Անակնկալի եկա, բայց կարծեցի, թե դա իր իրավունքն է եւ ես չեմ միջամտելու պարոն Ազնավուրի որոշումներին։ Հետո Հայաստանի արտգործնախարարությունը հերքեց, որ հարցազրույց է
եղել։ Ես կրկին չփորձեցի կապվել պարոն Ազնավուրի հետ, քանի որ հավատում եմ պաշտոնական տեղեկությանը»,- ասաց Մարկոսյանը՝ հավելով, որ ուրախ է, որ դեսպանը արձագանքեց եւ պարզեցրեց ստեղծված իրավիճակը։
Մարկոսյանը կարծում է, որ թուրք պրոդյուսերի նման քայլը ուղիղ կապ ունի Ցեղասպանության 100-րդ տարելիցի հետ. «Թուրքերից ամեն բան սպասելի է, եւ պետք է ավելի զգույշ լինել»։
Թագուհի ՀՈՎՀԱՆՆԻՍՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
Կարդացեք նաև
