Եթե հանձնարարեն` կղեկավարեմ, եթե ոչ, ուրեմն` ոչ»,-այսօր ասաց արտակարգ իրավիճակների նախարար Արմեն Երիցյանը` կառավարության նիստից հետո լրագրողների հարցերից մեկին պատասխանելով` արդյոք ի՞նքն է ղեկավարելու միավորվող 2 նախարարությունները:
Հիշեցնենք, որ այսօր կառավարության նիստին ՀՀ վարչապետ Հովիկ Աբրահամյանն ասաց, որ արտակարգ իրավիճակների եւ տարածքային կառավարման նախարարությունները միավորվելու են:
Հարցին` արդյոք համատեղելի՞ են այս երկու նախարարությունները, Արմեն Երիցյանն ասաց. «Կարծում եմ համատեղելի են, որովհետեւ արտակարգ իրավիճակների նախարարությունը իր գործառույթները կատարում է, արդեն միացումից հետո համատեղ աշխատանքներ կկատարվեն: Հիմնականում փրկարարներն աշխատում են մարզերում` հիդրոմետ, սեյսմիկ ծառայությունները, մշտապես համագործակցում ենք»:
Մեկ այլ հարցին էլ` տարածքային կառավարման նախարար Արմեն Գեւորգյանի հրաժարականից հետո՞ պարզվեց, որ ավելի արդյունավետ կլինի այս երկու նախարարությունների միավորումը, Արմեն Երիցյանն ասաց` «Ես չգիտեմ»:
Կարդացեք նաև
Ապա ճշտող հարցին` տարածքային կառավարման գերատեսչության ղեկավար կաշխատի՞, Երիցյանն ասաց`«Կմտածեմ»:
Նելլի ԲԱԲԱՅԱՆ
