Armenia Today կայքի համակարգող Արգիշտի Կիվիրյանի փաստաբան Լուսինե Սահակյանի համոզմամբ՝ իր պաշտպանյալի գործով ոստիկանությունը կեղծիք է կատարել եւ վախենում է՝ դա բացահայտվի:
«Ակնհայտ է, որ փաստաթղթեր են հանել, փոխել, ինչն արդեն իսկ խոսում է այն մասին, որ նրանք լուրջ խնդիրներ են տեսել իրականության մեջ ու հասկացել են, որ էս վարույթով չեն կարողացել վարչական պատասխանատվության ենթարկել, հնարավորինս փորձել են ինչ-որ փաստաթղթեր փոխելով իրավիճակ շտկել»,-անդրադառնալով այսօր Վարչական դատարանում իր պաշտպանյալի դեմ ոստիկանության հայցով քննվող գործին՝ ասաց տիկին Սահակյանը:
Հիշեցնենք, որ նախորդ տարվա ամռանը 150 դրամի դեմ պայքարի շրջանակներում քաղաքապետարանի դիմաց Կիվիրյանը փորձել էր նստացույց անող ակտիվիստների համար վրան տեղադրել, ոստիկանները խոչընդոտել էին ու բերման ենթարկել նրան:
Փաստաբանը պնդում է, որ Արգիշտի Կիվիրյանին այդ օրը 3 ժամից ավելի են պահել ոստիկանությունում: Նրա խոսքով՝ դատաքննության ժամանակ դա չկարողացավ հերքել նաեւ ոստիկանության ներկայացուցիչը, չնայած անընդհատ փորձում էր շրջանցել այդ հանգամանքը:
Կարդացեք նաև
Արփինե ՍԻՄՈՆՅԱՆ
