Հատված Գրիգոր Մինասյանի հարցազրույցից:
– Խոչընդոտ չէ՞ առանձին լրագրողների Ազգային ժողով չթողնելը կամ տեսախցիկներ անցկացնելու համար բյուրոկրատական անիմաստ քաշքշուկներ ստեղծելը։
– Հավատարմագրման ինստիտուտն ինքնին խոչընդոտ չէ եւ այն իրավաչափ է։
– Լրագրողներն առանց ավելորդ բարդությունների ԱԺ–ն լուսաբանում էին մինչեւ Հրայր Թովմասյանի գալը։ Կարգն այն ժամանակ էլ կար։
Կարդացեք նաև
– Կարծում եմ, բոլոր կարգերն ու կարգավորումները պարբերաբար վերանայման կարիք ունեն։ Օրինակ, դեռեւս 2009 թվականին ընդունված եւ
մինչեւ օրս գործող Ազգային ժողովում լրագրողների հավատարմագրման կարգի 18 կետը ակնհայտորեն հակասում է Զանգվածային լրատվության
մասին ՀՀ օրենքի 6 հոդվածին։ Ըստ այդ կետի՝ լրագրողի հավատարմագրումը վաղաժամկետ դադարեցվում է, եթե նա տարածել է ապատեղեկատվություն Ազգային ժողովի նւ նրա աշխատակազմի գործունեության մասին։ Սա նման է նրան, որ որեւէ վարորդի արգելեն արդեն երթեւեկել Աբովյան փողոցով, որովհետեւ տվյալ վարորդը մեկ անգամ խախտում է թույլ տվել այդ փողոցում։ Ճիշտ է, այս կետը դեռ երբեք չի գործադրվել, բայց այն պարունակում է հակասություն օրենքի հետ եւ լրագրողի գործունեության խոչընդոտման իրական ռիսկ։ Հետեւաբար, այս դրույթը կարիք ունի շուտափույթ վերանայման։ Կարծում եմ հենց նման դրույթները վերանայելուն են ուղղված կամ պետք է ուղղված լինեն Ազգային ժողովի աշխատակազմի ղեկավարի գործունեության միտումները։
Մելանյա ԾԱՌՈՒԿՅԱՆ
Հարցազրույցն ամբողջությամբ կարող եք կարդալ «Չորրորդ իշխանություն» թերթի այսօրվա համարում
