Կենտրոն եւ Նորք Մարաշ վարչական շրջանների ընդհանուր իրավասության դատարանի վարույթ ընդունված Վերնիսաժի կրակոցների գործով դատական նիստի օրը դեռ որոշված չէ:
Մեղադրյալ Ներսես Մելքոնյանի պաշտպան Վարդուհի Էլբակյանն ասաց, որ առաջիկա տասը օրվա ընթացքում օրը կհստակեցվի:
Նրա խոսքով, իր պաշտպանյալն ինչպես նախաքննության, այնպես էլ դատաքննության ժամանակ միջնորդությամբ, հայտարարությամբ հանդես չի գալու. «Դա նրա դիրքորոշումն է»:
Նա չցանկացավ մեկնաբանել գործով մեկ այլ մեղադրյալ, իր պաշտպանյալի ընկեր Վալերի Հովհաննիսյանի մոր դիրքորոշման փոփոխությունը եւ դժվարացավ ասել, թե նրանց դիրքորոշման փոփոխությունը ինչ ազդեցություն կթողնի դատաքննության վրա:
Կարդացեք նաև
Հիշեցնենք, որ լրատվամիջոցների հետ զրույցում Վալերի Հովհաննիսյանի մայրը վերջերս սկսել է ափսոսանք հայտնել, որ Գոռ Առաքելյանը պետք է դատապարտվի: Իսկ մինչ այդ նա բողոքի ցույցեր էր անում` բողոքելով, որ տղան` աղիքը կախված կալանավորվել է. «Չեմ ցանկանում մեկնաբանել Վալերի Հովհաննիսյանի ու նրա մոր հայտարարությունները. չեմ ցանկանում մեկնաբանել, դրանք այնքան տարաբնույթ էին: Իսկ ինչ վերաբերում է գործին խանգարելուն կամ չխանգարելուն, տեսնենք առաջին գործընթացից արդեն պարզ կլինի թե տակտիկան ինչպես պետք է առաջ գնա»:
Մեր հարցին, թե մտավախություն չունե՞ք, որ Վալերի Հովհաննիսյանի հարազատները գործարքի մեջ են Գոռ Առաքելյանի հարազատների հետ, ասաց, քանի դեռ դատական գործընթացը չի սկսվել, ինքը ձեռնպահ կմնա որեւէ հայտարարություն անելուց. «Չգիտեմ` ինչով կարող է պայմանավորված լինել նրանց նախկին հայտարարությունները ու ներկայիս պասիվ վիճակը»:
Տիկին Էլբակյանի խոսքով, իրենք պայքարելու են, որ Ներսես Մելքոնյանն արդարացվի. «Գտնում ենք, որ նրա գործողություններում հանցակազմ չկա»;
Արփինե ՍԻՄՈՆՅԱՆ
ՀՀ ում ոչ փաստաբան կա, ոչ արդարադատություն:Բոշի օրենքը ճիպոտն է:ՀՀ ն ունի վարչական դատարանի տավուշցի դատավորների հետ ներքին պայմանավորվածությամբ Տավուշի մարզի հարկայինի կողմից անմեղ մարդկանց գլխին սարքելու հայավարություն:Շուտով ևս մեկ հրաժարական ՀՀ քաղաքացիությունից և դա իմ սրտով է:ՀՀ մաֆիան սրած ատամներով առաջ է սլանում` ուռռա: