«Անթույլատրելի է, որ կառավարությունը հղիների հետծննդյան վճարի հաշվին չաշխատող մայրերին է ցանկանում նպաստ տալ: Դա անբարոյականություն է»,-այսօր «Հայելի» ակումբում լրագրողների հեզ զրույցում այսպիսի կարծիք հայտնեց «Ժառանգություն» կուսակցության անդամ Անահիտ Բախշյանը` անդրադառնալով կառավարության նախաձեռնած փոփոխություններին` ուղղված հղիության նպաստի կրճատմանը:
ՀՀԿ խմբակցության պատգամավոր Սուքիաս Ավետիսյանն էլ վստահեցրեց, թե «Սա դեռ օրենքի նախագիծ է, այն քննարկումների փուլում է»: Պարոն Ավետիսյանը նաև նշեց, թե կառավարությունը նման բան է նախաձեռնել Վերահսկիչ պալատի բացահայտումների հիման վրա ու հավելեց. «Նույնիսկ բացահայտվել է, որ 30 միլիոն դրամ հետծննդյան նպաստ ստացող է եղել»:
Քննարկվեց նաև ՀՀ ֆինանսների նախկին նախարար Դավիթ Սարգսյանի կնոջ հետծննդյան նպաստի` շուրջ 20 միլիոն դրամ ստանալու հարցը: Տիկին Բախշյանն ասաց, թե «չեմ մեղադրում այդ կնոջը, պետությունն ինքն է այդքան աշխատավարձ նշանակել»:
Տաթև ՀԱՐՈՒԹՅՈՒՆՅԱՆ
Կարդացեք նաև
Լուսանկարը` PHOTOLUR-ի
