Անապայում շարունակվում է բռնցքամարտի Եվրոպայի պատանիների առաջնությունը, որին Հայաստանը ներկայացել է 12 մասնակցով:
Երեկ մեր հավաքականից ռինգ մտել են հինգ բռնցքամարտիկներ: Գեղեցիկ հաղթանակով է մենամարտն ավարտել գյումրեցի գերծանր քաշային Գուրգեն Հովհաննիսյանը, որը պարտության է մատնել թուրք Սալահատին Կոչագուին եւ իր համար ապահովել առնվազն բրոնզե մեդալ:
Երկրորդ հաղթանակն է տոնել 75 կգ քաշային Վան Մելքումյանը: Պայքարը շարունակում է նաեւ 48 կգ քաշային Վահե Բադալյանը: Իսկ ահա Ժիրայր Սարգսյանը (46 կգ) եւ Հայկ Հովհաննիսյանը (70 կգ) պարտվել են:
Հայաստանի բռնցքամարտի ֆեդերացիայի մամուլի ծառայությունը տեղեկացնում է, որ մեր պատանիներից ութը շարունակում են պայքարել մեդալների համար:
Կարդացեք նաև
Աշոտ ՀԱԿՈԲՅԱՆ
Ախուրյանցի է Գուրգեն Հովհաննիսյանը