ԵԿՄ նախագահ, ԱԺ պատգամավոր Մանվել Գրիգորյանը շաբաթ օրը ԵԿՄ գրասենյակում լրագրողների դիտարկմանը, թե Գագիկ Ծառուկյանն ուզում է նախագահ դառնալ, պատասխանել է. «Բաղդադ էլ խուրմա կա, թող էթա դառնա ինչ ուզում ա, էտ իրա խնդիրն ա։ Ուզում ա, շատ մարդ ա շատ բան ուզում։ Գագիկ Ծառուկյանը սաղ կյանքը իշխանություն ա եղել, էտ ո՞ր օրվանից եղավ անիշխանություն»։ ԲՀԿ-ամերձ շրջանակները գեներալ– պատգամավորի այս հայտարարությունը արժանացրել են բուռն հակազդեցության:
Այս ամենի կապակցությամբ ԱԺ ՀՀԿ-ական պատգամավոր, պետաիրավական հանձնաժողովի նախագահ Հովհաննես Սահակյանը երեկ ասել է. «Որոշ ինտերնետային լրատվամիջոցներ՝ կոնկրետ տեղերից սպասարկվող, որոշ քաղաքական գործիչներ, ովքեր կենսագրություն չունենալով հանդերձ, հանդես են գալիս համակարգչային էկրանից, բայց իրական կյանքում շարքային բորենիներ են, պետք է խորհուրդ տամ նրանց, որ քաղաքականությունը որպես իրենց համար հայտնի մասնագիտություն չօգտագործեն, չափի զգացողությունը երբեք չկորցնեն։ Թեպետ, այդ բորենիները գեներալներին տեսնելիս իրենց խոնարհ հարսի պես են պահում»։
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
