«Մարդիկ, ովքեր բարեկեցիկ կյանքով են ապրում, չպետք է ճանապարհներ փնտրեն ավելի հարստանալու, հատկապես այս հետծննդյան նպաստների հաշվին»,-Aravot.am-ի հարցին`մի կողմից կառավարությունը ցանկանում է կրճատել հետծննդյան նպաստը, մյուս կողմից ականատես ենք լինում փաստի, երբ ֆինանսների նախկին նախարար Դավիթ Սարգսյանի կինը` որպես հետծննդյան գումար, ստացել է 20 միլիոն դրամ, այսպես պատասխանեց ՀՀԿ խմբակցության պատգամավոր Կարինե Աճեմյանը:
Մեր դիտարկմանը` գուցե խնդիրները լուծելու հարցում առաջնահերթություննե՞րը ճիշտ ընտրված չեն, տիկին Աճեմյանն արձագանքեց. «Գուցե, ես այդ մասին մամուլից եմ իմացել ու չգիտեմ` որքանով է դա համապատասխանում իրականությանը: Բայց ոչ ոք չի կարող խրախուսել նման երևույթները: Մյուս կողմից էլ հնարավոր է, որ այդ կինն իրականում շատ բարձր աշխատավարձ է ստացել, այսինքն` այնպիսի պաշտոն ուներ, որ հետծննդյան նպաստը համապատասխանում է այդ թվերին»:
Կարդացեք նաև
Երևանի պատվավոր քաղաքացի Կարինե Դանիելյանը սարսափելի է համարում նման բևեռացումը և նշում. «Սարսափելի է բևեռացումը, որ նաև պաշտոնյաները ամեն ինչ անում են, որ այդ պաշտոնից այն ամենը, ինչ հնարավոր է, պոկեն: Մեր մեջ այս տարիներին բացահայտվել է պետական մտածողության պակաս»:
Տաթև ՀԱՐՈՒԹՅՈՒՆՅԱՆ
