Այսօր լրագրողների հետ զրույցում առողջապահության նախարար Արմեն Մուրադյանն անդրադարձավ Գյումրիի հայտնի միջադեպին, երբ ծեծել էին շտապօգնության բժշկին՝ պահանջելով վերակենդանացնել իրենց հիվանդին:
Հիշեցնենք, որ ներկայումս կատարվում է քննություն: Մեր հարցին՝ Գյումրիում սա առաջին դեպքը չէ, երբ բժիշկների են ծեծում, սա գյումրեցիների էմոցիոնա՞լ լինելու հետ է կապված, թե՞ բժիշկների հետ է կապված:
Նախարարն ասաց. «Ես չէի ուզենա որեւիցե մեկին որակավորել, առավել եւս՝ նման թասիբով ժողովրդին: Բայց այդ նույն թասիբով ժողովրդին կուզենայի կոչ անել, որ սա արդեն երկրորդ դեպքն է, որ նման ցինիզմով եւ դաժանությամբ վերաբերմունքի է արժանանում մի մարդ, որը եկել է բուժօգնություն ցուցաբերելու: Մինչեւ իրավապահների գնահատականը նաեւ հասարակական գնահատական պետք է հնչի՝ բժիշկների հանդեպ նման ցինիզմի եւ դաժանության հետ կապված: Առհասարակ, ինչ վերաբերվում է շտապօգնության աշխատանքից, իր չափորոշիչների մեջ սահմանված ժամկետում մեքենան եղել է տեղում, եթե չեմ սխալվում՝ 5 րոպե հետո»:
Նախարարն ասաց, որ այդ բոլոր նյութերը հաշվի են առնելու համապատասխան մարմինները, իրենք ուշիուշով հետեւելու են. «Դաժան ծեծի են ենթարկվել եւ բժիշկը, եւ բուժքույրը, եւ վարորդը»:
Կարդացեք նաև
Հռիփսիմե ՋԵԲԵՋՅԱՆ
