Հոկտեմբերի 27-ին «Հրապարակ» օրաթերթի եւ «Իլուր»-ի փաստաբանները վճռաբեկ բողոք էին ներկայացրել, պահանջելով վերացնել ստորադաս դատական ատյանների որոշումները, որոնք պարտադրում էին լրատվամիջոցներին բացահայտել գյումրեցի մարզիկների հետ կապված միջադեպի մասին հրապարակումների աղբյուրը: Չանդրադառնալով մամուլում բազմիցս արծարծված այս գործին, հիշեցնենք, որ Կենտրոն եւ Նորք-Մարաշ դատարանը բավարարել է ԶԼՄ-ներին ուղղված ՀՔԾ քննիչների պահանջը՝ հայտնել իրենց աղբյուրը, իսկ վերաքննիչն այս որոշումը թողեց ուժի մեջ: «Որքանո՞վ է հիմնավորված որոշումը»: Հարցի շուրջ զրուցեցինք «Հրապարակ» օրաթերթի շահերի պաշտպան, փաստաբան եւ իրավապաշտպան Արտակ Զեյնալյանի հետ:
– Նախաքննության կամ հետաքննության մարմնի որոշումներով, միջանկյալ ակտերի դեմ բերված բողոքներով առաջին ատյանի դատարանն իրականացնում է քննություն: Վերաքննիչ դատարանն իրականացնում է առաջին ատյանի ընդունած դատական ակտի օրինականության եւ հիմնավորվածության ստուգում: Ընդամենը ստուգում է, թե որքանով է եղած նյութերի հիման վրա առաջին ատյանի դատարանը ճիշտ որոշում կայացրել, ոչ թե փորձում է ուղղել առաջին ատյանի սխալները: Այս դեպքում վերաքննիչը փորձել է իրենով փոխարինել առաջին ատյանի դատարանին եւ ուղղել մեր բացահայտած սխալները: Անազնիվ խաղ է ստացվում:
Հրապարակումն ամբողջությամբ՝ «Հրապարակ» թերթի այսօրվա համարում:
