«Հանրահավաքներին մասնակցելու ու կուսակցության ընդդիմադիր կեցվածքի վերաբերյալ ԲՀԿ-ականների դժգոհությունների մասին տեղեկությունները դեռ պետք է ճշտվեն»,- ասում է ԲՀԿ մամուլի խոսնակ Տիգրան Ուրիխանյանը՝ դրանք չմեկնաբանելով:
Հիշեցնենք, որ որոշ ԲՀԿ-ականներ արդեն սկսել են դժգոհել կուսակցության ընդդիմադիր կեցվածքից:
Պարոն Ուրիխանյանի խոսքով, եթե կան պնդումներ, դժգոհություններ, դա պնդողների ու դժգոհողների խնդիրն է. «Այն ինչ տեղի ունենում ներքաղաքական կյանքում, ոչ ԲՀԿ-ի, ոչ էլ ոչ իշխանական ուժերի, այլ ժողովրդի խնդիրն է: 40 տոկոս աղքատությունը ոչ մեզ համար ցանկալի իրավիճակ է, ոչ էլ դրա մեղավորության մեջ մասնաբաժին ունենք: Իրավիճակ է, որը ստեղծվել է անպարտաճանաչ ու անարդյունավետ կառավարման արդյունքում… կա լրջագույն խնդիր, որը պետք է լուծել, իսկ խանգարողները պետք է չեզոքանան որոշումների կայացման դաշտում: Փնտրել բացառություններ, ինչ-որ մարդկանց հետ զրուցել, որոնք կարող են կասկածել, վարանել ոչ մի կերպ չի փրկելու իշխանությունների վիճակը: Այդ հարցը պետք է լուծվի անկախ նրանից դա դուր կգա ուրեւէ մեկին, թե դուր չի գա»:
Նա նաեւ ասաց, որ կուսակցության դիրքորոշմանը հակասող ԲՀԿ-ականների դիրքորոշումները կուսակցության ներսում անպայման կքննարկվի:
Կարդացեք նաև
Արփինե ՍԻՄՈՆՅԱՆ
