«ՀՀ 2015թ. պետական բյուջեի մասին» օրենքի նախագծի քննարկման նպատակով երեկ ԱԺ-ում էին Հայաստանի մարզպետները։ Առիթից օգտվելով՝ վերջիններիցս հետաքրքրվեցինք, թե իրենց մարզում իշխանափոխության պատրաստվո՞ւմ են, բացվե՞լ են համաժողովրդական շարժման շտաբերը եւ արդյո՞ք մարզպետարանների աշխատակիցները կուլիսային հարաբերություններ են հաստատել Եռյակի հետ ու պատրաստվում են իշխանափոխության կամ արտահերթ ընտրության։
Հովիկ Աբովյան, Տավուշի մարզպետ – Շարժման շտաբեր եղել են, առաջին անգա՞մ են բացվում, բայց դա հո չի նշանակում, որ արտահերթ ընտրություններ են սպասվում։ Հանրահավաքներ անելը իրենց իրավունքն է, լա՛վ են անում, անձամբ մենք ոչ մեկի հետ էլ բանակցության մեջ չենք մտել ու չենք պատրաստվել իշխանափոխության։ Մարդիկ եկել են, մասնակցել են հանրահավաքներին, ու իրենց իրավունքները ոչ ոք չի ոտնահարել։
Սարգիս Սահակյան, Արագածոտնի մարզպետ – Կոնկրետ մեր մարզում իշխանափոխության նկատմամբ հետաքրքրություն չկա, անկեղծ եմ ասում ու ես չեմ էլ լսել, որ շտաբեր են բացել, ու դա ինձ բացարձակ չի անհանգստացնում։ Մեր մարզը Սերժ Սարգսյանին մի տարի առաջ 74 տոկոս ձայն է տվել, ուրեմն հավատում է, չէ՞։ Ինչի՞ պետք է անհանգստանանք։
Ռաֆիկ Գրիգորյան, Գեղարքունիքի մարզպետ – Ոչ մի շտաբ էլ մեզ մոտ չի բացվել, բացվեն որ ի՞նչ անեն, ինչի՞ բացվեն։ Մենք մեր գործով ենք զբաղված, ժողովուրդը հանգիստ իրա գործերին է նայում։ Իսկ մենք էդ շտաբերին ոչ մի բանով էլ չենք հակազդելու, իրենք էլ մեր ժողովուրդն են:
Կարդացեք նաև
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
