Երեկ ՀՀԿ պատգամավոր Աշոտ Աղաբաբյանը նույնպես այցելել էր Եռաբլուր՝ հարգանքի տուրք մատուցելու Հոկտեմբերի 27-ի զոհերի հիշատակին: Aravot.am-ը ՀՀԿ պատգամավոր Աշոտ Աղաբաբյանից հետաքրքրվեց՝ Հոկտեմբերի 27-ից հետո այս 15 տարիների ընթացքում ի՞նչ է փոխվել: «Մեր համար ոչ մի բան չի փոխվել»,- պատասխանեց նա:
Հարցին՝ բացահայտվա՞ծ է Ձեզ համար «Հոկտեմբերի 27»-ը՝ Աշոտ Աղաբաբյանը պատասխանեց. «Աստծուն է պետք հարցնել»:
Երբ ճշտեցինք` մեղավորները պատժվա՞ծ են, նա պատասխանեց. «Մեղավորները՝ փաստացի արարքն անողները, իհարկե, պատժված են: Հրաման տվողները՝ հլը չգիտենք»:
Յուրի Բախշյանի կինը՝ Անահիտ Բախշյանը ասել էր, որ դրսի ուժերն են խառնված եղել ոճրագործության մեջ, համաձա՞յն եք՝ նա պատասխանեց. «Ես չգիտեմ Անահիտ Բախշյանն ինչ է ասել, Անահիտ Բախշյանի մտքերն առաջ այդպիսին չէին, հիմա փոխել է, բայց չեմ կարա ասեմ, թե որ ուժերն էին: Բոլոր դեպքերում, ներսն այդքան ուժ չկար, որ անեին Հոկտեմբերի 27»:
Կարդացեք նաև
Հռիփսիմե ՋԵԲԵՋՅԱՆ
