Հոկտեմբերի 28-ին ՀՀ քաղաքացիական ծառայության խորհրդի նախագահ Մանվել Բադալյանն ընդունեց Հայաստանում Եվրամիության խորհրդատվական խմբի վերջնական գնահատման անկախ փորձագետներ Հենրիկ Ջեսսին և Արմինե Առաքելյանին: Հանդիպման ընթացքում քննարկվեցին անցած տարիներին ԵՄ խորհրդատվական խմբի և ՀՀ ՔԾԽ-ի համագործակցության հիմնական արդյունքները, հետագա գործակցության ուղղությունները, ինչպես նաև ԵՄ-ի կողմից համակարգի զարգացմանն ուղղված խորհրդատվական և մեթոդոլոգիական աջակցության նոր մեխանիզմներ կիրառելու հնարավորությունները:
ՀՀ քաղաքացիական ծառայության խորհրդի նախագահ Մանվել Բադալյանը արժևորեց Հայաստան-ԵՄ համագործակցության տարբեր ծրագրերի շրջանակներում իրականացված և նախանշված ինստիտուցիոնալ նշանակության բարեփոխումները, այդ ուղղությամբ Հայաստանում ԵՄ խորհրդատվական խմբի հետ ծավալված սերտ ու արդյունավետ աշխատանքը: Խոսքը, մասնավորապես, վերաբերում է <<Հանրային ծառայության>> մասին օրենքի ընդունմանը, պետական կառավարման ոլորտում շահերի բախման, եկամուտների, գույքի հայտարարագրման, հակակոռուպցիոն նշանակության այլ ինստիտուտների ներդրմանը, ԵՄ ՍԻԳՄԱ ծրագրի օժանդակությամբ մշակված և համակարգային բարեփոխումների համար հիմնաքարային նշանակություն ունեցող <<քաղաքականության փաստաթղթի>> մշակմանը:
Պարոն Բադալյանը հյուրերի ուշադրությունը հրավիրեց այն բանի վրա, որ ակնկալում է առաջիկայում այդ համագործակցության առավել սերտացում` հաշվի առնելով, որ քաղաքացիական ծառայության համակարգը մտել է ինտենսիվ և արմատական վերափոխումների հարթություն, որտեղ առավել զգալի է լինելու եվրոպական փորձի համակողմանի ուսումնասիրությունը, օժանդակությունը քաղաքացիական ծառայողների հեռավար ուսուցման մոդուլների ու ծրագրերի մշակման, ուսուցման կենտրոնի ստեղծման, օրենսդրական նոր փոփոխությունների մշակման գործընթացներում:
Կարդացեք նաև
Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն
Ք Ա Ղ Ա Ք Ա Ց Ի Ա Կ Ա Ն Ծ Ա Ռ Ա Յ ՈՒ Թ Յ Ա Ն Խ Ո Ր Հ ՈՒ ՐԴ
Մ Ա Մ Լ Ո Ք Ա Ր Տ ՈՒ Ղ Ա Ր
ԳՈՌ ԱԲՐԱՀԱՄՅԱՆ
