«Ինձ համար այդ ողբերգական ժամանակաշրջանը երեկ չունի, չի փոխվել»,- այսօր Aravot.am-ի հետ զրույցում ասաց Եռաբլուր այցելած ԱԺ նախագահ Գալուստ Սահակյանը՝ «Հոկտեմբերի 27»-ի մասին:
Թե ովքեր էին մեղավոր ոճրագործության համար եւ երբ է հասարակությունը սպառիչ պատասխան ստանալու՝ Գալուստ Սահակյանն ասաց. «Իհարկե, ովքեր կատարողներն էին, պատժված են, բայց պատվիրողները դեռեւս հայտնի չեն»:
Ե՞րբ հայտնի կդառնան՝ նա ասաց. «Երբ կկարողանանք երկրի տնտեսական զարգացում ապահովել, այսինքն՝ հզոր Հայաստանի դեպքում»:
Կարդացեք նաև
Գալուստ Սահակյանը եկել էր վարչապետ Հովիկ Աբրահամյանի հետ՝ նույն մեքենայով: Հովիկ Աբրահամյանը հարցերի չպատասխանեց:
Հրաժարվեց խոսել նաեւ Հրայր Թովմասյանը:
Հռիփսիմե ՋԵԲԵՋՅԱՆ
