Երեկ ՖԻՖԱ-ն հրապարակել է ազգային հավաքականների վարկանիշային դասակարգման հոկտեմբեր ամսվա ցուցակը:
Հայաստանի ազգային հավաքականը նախորդ ամսվա համեմատ նահանջել է 23 կետով եւ հանգրվանել 75-րդ հորիզոնականում: Եվրոպայի 2016 թվականի առաջնության ընտրական մրցաշարի «I» խմբում մեր ընտրանին վարկանիշով այսօր վերջինն է: Պորտուգալիան զբաղեցնում է 9-րդ, Դանիան՝ 32-րդ, Սերբիան՝ 46-րդ, Ալբանիան՝ 48-րդ տեղը: Ֆրանսիան, որ նույնպես մեր խմբում է, բայց որպես կազմակերպիչ երկիր պաշտոնական ընտրական խաղերին չի մասնակցում, աշխարհի ֆուտբոլային 7-րդ երկիրն է:
Առաջատարների տասնյակը ըստ հաջորդականության կազմում են Գերմանիան, Արգենտինան, Կոլումբիան, Բելգիան, Հոլանդիան, Բրազիլիան, Ֆրանսիան, Ուրուգվայը, Պորտուգալիան եւ Իսպանիան:
ԱՇՈՏ ՀԱԿՈԲՅԱՆ
«Առավոտ» օրաթերթ
24.10.2014
