Ազգային ինքնիշխանություն հասկացությունը շատ երկրների համար հարաբերական է դարձել, ասել է Ռուսաստանի նախագահ Վլադիմիր Պուտինը, փոխանցում է «ՌԻԱ Նովոստի»-ն:
«Ազգային ինքնիշխանության» գաղափարը երկրների մեծամասնության համար հարաբերական արժեք է դարձել: Ըստ էության այսպիսի բանաձև է առաջ քաշվել՝ ինչքան ուժեղ է աշխարհում միակ ուժի կենտրոնի նկատմամբ հավատարմությունը, այնքան մեծ է այս կամ այն իշխանության լեգիտիմությունը», – ասել է Պուտինը Սոչիում «Վալդայ» ակումբի միջազգային ժողովի ժամանակ:
«Մեկ երկրի և նրա դաշնակիցների, այլ կերպ ասած՝ նրա արբանյակների, գերիշխանության պայմաններում համաշխարհային խնդիրների լուծումներ գտնելը վերածվել է սեփական բաղադրատոմսերը որպես համընդհանուր արժեքներ պարտադրելը: Այդ խմբի հավակնություններն այնքան են մեծացել, որ իրենց կուլիսներում ստեղծած մոտեցումները որպես միջազգային հանրության կարծիք են հրամցնում», – ասել է նա:
Հանդիպման ժամանակ ՌԴ ղեկավարը հիշեցրել է, որ Սառը պատերազմն ավարտվել է առանց խաղաղության կնքման և ԱՄՆ-ին համեմատել է ցածր դասից արագ հարստացած մարդկանց՝ «նուվորիշներ»-ի հետ:
Կարդացեք նաև
Պատրաստեց Հովհաննես ԻՇԽԱՆՅԱՆԸ
