«Մենք այնքա՜ն թույլ դիվանագիտություն ունենք»,- այսօր՝ հոկտեմբերի 24-ին, «Փաստարկ» մամլո ակումբում լրագրողների հետ հանդիպման ընթացքում հայտարարեց հրապարակախոս Գուրգեն Եղիազարյանը:
Նա նշեց, որ ստեղծված անհասկանալի իրավիճակում Հայաստանը պետք է մի ուղիով ընթանա՝ «կա՛մ, կա՛մ». «Այդ «ե՛ւ, ե՛ւ»-ը հեքիաթի ժանրից է: Իհարկե՛, եվրոպացիները կգնան- կգան, բայց «ե՛ւ, ե՛ւ» կոչվածը այդ մենք չէ, որ պիտի անենք: «Ե՛վ, ե՛ւ»-ի համար կան խորհրդատուներ, կան երկրներ, կան լրջագույն մարդիկ, որոնք այդ «ե՛ւ, ե՛ւ»-երով կզբաղվեն: Դա միայն բնակչությանը հանգստացնելու, իրենց էլ սփոփելու համար է, որ մենք կլինենք կամուրջ երկու արժեքների միջեւ»:
Սակայն նա համարում է, որ Հայաստանը երբեք չի կարող դառնալ այդ կամուրջը, քանի որ ըստ նրա՝ իշխանությունները երկու միլիոն մարդու խնդիր չեն կարողանում լուծել. «Հենց առաջին անգամ ոտքը դնեն՝ կամուրջը մի անգամից փլվելու է, ավելի լավ է զբաղվեն տնտեսությամբ. Մարդիկ սոված են այսօր, քան թե կամուրջ կառուցեն, որը հեքիաթների բնագավառից է»:
Ամի ՉԻՉԱԿՅԱՆ
