««Օրինաց երկիրը» շատ կուզենար մասնակցել հանրահավաքին, բայց նրան չեն ընդունի»,- այսօր՝ հոկտեմբերի 24-ին «Փաստարկ» մամլո ակումբում լրագրողների հետ հանդիպման ընթացքում հայտարարեց «Ղարաբաղ» կոմիտեի անդամ Աշոտ Մանուչարյանը:
Նա նշեց, որ «Օրինաց երկիր» կուսակցությունը դավաճանել է իր ժողովրդին, եւ այդ արարքը ժողովուրդը չի ների. «Եթե նրանք վերցնեն «Օրինաց երկրին», դավաճանի պիտակը նրանց վրա էլ կկպչի»:
Նա համարում է, որ մյուս կուսակցություններն էլ կուզենային մասնակցել հանրահավաքին, բայց ամեն մի կուսակցություն մի գործարքի մեջ է. «Դա նորմալ է, բոլոր կուսակցություններն էլ պետք է լինեն ամբարտավան, բա էլ ի՞նչ կա այս աշխարհում, ինչո՞վ պետք է զբաղվես: Այս բոլորը խանգարում է նման միությունների կայացմանը: 12 կետերում շատ նորմալ բաներ կան, որ եթե նորմալացվի կյանքը, պետք է այդ պահանջները կատարվեն, իրենք էլ գրել են: Բայց այդտեղ չկա կյանքի նոր փիլիսոփայություն, եւ քանի դեռ չկա, բոլորին էլ հասկանալի է, որ շարունակելու ենք ապրել այդ նույն կյանքով»:
Ամի ՉԻՉԱԿՅԱՆ
