«Մեզ մոտ բուռն փոփոխությունների շրջան է սկսվում»,- այսօր՝ հոկտեմբերի 24-ին, «Փաստարկ» մամլո ակումբում լրագրողների հետ հանդիպման ընթացքում հայտարարեց «Ղարաբաղ» կոմիտեի անդամ Աշոտ Մանուչարյանը:
Նա նշեց, որ երեք վտանգ կա: Դրանցից առաջինը այն է, երբ ոչինչ չի փոխվի, իրավիճակը սկզբունքորեն նույնը կմնա, երկրորդ վտանգն այն է, որ վիճակի հաղթահարումը կբերի երկրի ներսում ցնցումների, որը կարող է դառնալ սարսափելի աղետ, երրորդը՝ եթե երկիրը կարողանա դուրս գալ այդ ցնցումներից, կարող է նորից վերարտադրել վիշապի արքայությունը:
Անդրադառնալով այսօր սպասվող ԱԺ ոչ իշխանական եռյակի հանրահավաքին՝ պարոն Մանուչարյանն ասաց, որ այսօր կա՛մ գործողությունների սկիզբն է լինելու, կամ՛ էլ ասվելու է, թե այդ սկիզբը ե՞րբ եւ ինչպե՞ս է լինելու, հակառակ դեպքում՝ սկսվելու է սպասելիքների անկում:
«Հայաստանի ողջ քաղաքական դաշտում կա միայն մի գաղափարախոսություն՝ փողը՝ որպես իշխանություն, փողը՝ որպես Աստված: Ուրիշ գաղափարախոսություն Հայաստանի քաղաքական դաշտում չկա, դա վերաբերում է նաեւ եռյակին: Այդ պատճառով՝ խորքային իմաստով Հայաստանը գաղափարների մեծ ծարավ ունի»:
Կարդացեք նաև
Ամի ՉԻՉԱԿՅԱՆ
