Կոտայքի մարզի ընդհանուր իրավասության դատարանի դատավոր Վաղինակ Մկրտչյանը Վարդան Պետրոսյանի ավտովթարի գործով հաջորդ դատական նիստը նշանակեց հոկտեմբերի 31-ին, քանի որ այսօր Վարդան Պետրոսյանը պաշտպան չուներ:
Վ. Պետրոսյանի պաշտպան Նիկոլայ Բաղդասարյանը դատարանին տեղեկացրել էր իր վատառողջ լինելու մասին, իսկ նախորդ նիստում ներգրավված նոր պաշտպանից՝ Սամվել Ջաղինյանից ոչ իր պաշտպանյալը, ոչ էլ դատարանը տեղեկացված չէին: Դատավորը հիշեցրեց, որ Պետրոսյանն ունի 4 պաշտպան, բայց քանի որ նրանցից որեւէ մեկը ներկա չէր, հետեւաբար անհնար էր շարունակել դատական նիստը:
Ռուզան ՄԻՆԱՍՅԱՆ
Վերջերս լուրերով դիտում էի Վարդան Պետրոսյանի գործով դատական նիստից հատված ու նկատեցի, որ նիստերի դահլիճում փակցված ՀՀ զինանշանում 4 թագավորությունները խորհրդանշող հատվածներում գույները ճիշտ չէին` վերևից ձախ` կապույտ, վերևից աջ՝ կարմիր, ներքևից ձախ՝ կարմիր, ներքևից աջ՝ կապույտ: Որքան գիտեմ, հակառակը պիտի լիներ, գուցե փոխվել է, տեղյակ չեմ….