Գերմանիայի կանցլեր Անգելա Մերկելը Ռուսաստանի նկատմամբ Եվրամիության պատժամիջոցները չեղյալ հայտարարելու անհրաժեշտություն չի տեսնում, քանի որ ռազմական գործողությունները դադարեցնելու մասին Ռուսաստանի, Ուկրաինայի և Դոնբասի զինյալների միջև Մինսկում ձեռք բերված համաձայնությունը չի պահպանվում: Փոխանցում է «Ռոսբալտ»-ը՝ հղում անելով Գերմանական լրատվական գործակալությանը:
ԵՄ-ում եկել են այն եզրահանգման, որ Ուկրաինայի արևելքում հրադադարի ռեժիմը չի պահպանվում, և Մինսկի պայմանավորվածությունից հետո արդեն 300 մարդ է զոհվել:
Ըստ դիվանագիտական աղբյուրների, Բրյուսելում ԵՄ գագաթաժողովի մասնակիցները որոշել են չեղյալ չհայտարարել Ռուսաստանի դեմ ձեռնարկած քայլերը և Մոսկվային կոչ են արել հարգել Ուկրաինայի տարածքային ամբողջականությունը և պատասխանատվություն վերցնել Մինսկի համաձայնագրի իրագործման համար:
Ավելի վաղ հայտնի էր դարձել, որ Ռուսաստանին Ղրիմի միակցման և Ուկրաինայում շարունակվող ճգնաժամի պատճառով ԵՄ երկրների ղեկավարներն այս շաբաթ կայանալիք հանդիպմանը չեն նախատեսում քննարկել Ռուսաստանի նկատմամբ պատժամիջոցները թեթևացնելու հարցը:
Կարդացեք նաև
Սպասվում է, որ ԵՄ երկրների դեսպանները պատժամիջոցների հարցը կդիտարկեն հաջորդ շաբաթ:
Պատրաստեց Հովհաննես ԻՇԽԱՆՅԱՆԸ
