Դիցուք, դուք օրենսդիր մարմնի ներկայացուցիչ եք, պատգամավոր, ու պատահաբար իմանում եք, ոը Վերնիսաժում ինչ-որ մարդիկ ադրբեջանական երաժշտություն են լսում։ Ի՞նչ պիտի անեք։ Շատ շատ պիտի նման երաժշտություն լսողներին ասեք, որ ցանկալի չէ նման երեւույթը։ Նկատողություն անեք եւ վերջ։ Իսկ ահա ԱԺ պատգամավոր Արագած Ախոյանը այդպես չի համարել եւ գնացել է հաշիվ պահանջելու մի քանի երիտասարդներից, ինչպես նշել է Shamshyan.com–ը։ Ավելին, պատգամավորը չի թաքցրել, որ պատրաստ է եղել նրանց ծեծել, այնքան բարկացած է եղել։ Վերնիսաժում սրա շուրջ մեծ վիճաբանություն է եղել։
Մի կողմից, իհարկե, լավ չէ, որ մեր երիտասարդներից ոմանք ադրբեջանական եւ ընդհանրապես, ցածրաճաշակ երաժշտություն են լսում։ Բայց պատգամավորը չպետք է իջնի այն մակարդակի, որ նման երեւույթները «ռազբորկաների» միջոցով փորձի լուծել։
Նախ, դրանով նա նսեմացնում է պատգամավորի կարգավիճակը, եւ երկրորդ. դրանով հաստատ հարց չի լուծվի։ Հավատացնում ենք, որ նման երաժշտություն դուք կարող եք լսել մեր տաքսիներում, քաղաքային ավտոբուսներում, տարբեր սրճարաններում։ Դժվար կլինի բոլորի հետ բռունցքներով պայքարել։
Մհեր ՂԱԼԵՉՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
Կարդացեք նաև
