Հոկտեմբերի 23-ին Տավուշի մարզպետարանում կայացավ մարզպետ Հովիկ Աբովյանի մամուլի ասուլիսը: Ասուլիսի ժամանակ մենք հարց տվեցինք Տավուշի մարզում աղբահանության հիմնահարցի մասին, նշելով, որ մարզկենտրոն Իջեւանի աղբավայրը գտնվում է Լուսաձոր համայնքի վարչական տարածքում:
Մարզպետն ասաց, որ այդ խնդիրը գտնվում է իր ուշադրության կենտրոնում, համայնքների աղբահանության եւ սանիտարական մաքրության հարցը երկու անգամ քննարկվել է մարզխորհրդի նիստում:
Մարզում համայնքներ կան, որոնք շուրջ 20 տարի պայմանավորվածություն ունեն հարեւան համայնքի հետ, եւ աղբը այդ համայնքի տարածք են տեղափոխում: Հովիկ Աբովյանն ասաց, որ գերմանական մի կազմակերպություն պատրաստակամություն է հայտնել աղբի վերամշակման համար համագործակցել Վանաձոր եւ Դիլիջան քաղաքների հետ, Վանաձորի վարչական տարածքում պետք է ստեղծվի աղբի վերամշակման ձեռնարկություն:
Մարզպետը հայտնեց,որ եվրոպական կազմակերպություններ կան,որոնք ցանկություն են հայտնել Հայաստանում աղբի վերամշակման ձեռնարկություններ ստեղծել: Հ. Աբովյանը հույս հայտնեց,որ կհաջողվի նման մի կազմակերպության միջոցով ըստ հնարավորի լուծել Տավուշի մարզի աղբավայրերի խնդիրը:
Կարդացեք նաև
Ոսկան ՍԱՐԳՍՅԱՆ
