ԱԺ-ում Սահմանամերձ համայնքներում գործունեությանը հարկային արտոնություններ տալու մասին կառավարության ներկայացրած օրենսդրական փաթեթի քննարկման ժամանակ ՀԱԿ խմբակցության պատգամավոր Հրանտ Բագրատյանն ու ՀՀԿ պատգամավոր Վարդան Այվազյանը միմյանց հիշեցնում էին 90-ականների վարած տնտեսական քաղաքականությունը:
ՀՀԿ պատգամավոր Վարդան Այվազյանը, ի պատասխան Հրանտ Բագրատյանի քննադատությունների ու դիտողությունների, որ պետք է բարեխիղճ գտնվել եւ ճիշտ պատկերը ներկայացնել Սերժ Սարգսյանին, որ սխալ քայլեր են անում ու քանդում պետությունը՝ մեջբերեց Ջիվանի. «Պարոն Բագրատյան, իմ բլուրը քո սարին համեմատ չի: 99-ին մինուս 50 տոկոս էր բյուջեն»:
Հրանտ Բագրատյանն արձագանքեց. «Ուշադիր լսեք ինչ եմ ասում: Բագրատյանը չի ասել, որ աճ չկա: Բանն այն է, որ տնտեսական աճը, այդ թվում նաեւ երկնիշ թվով, իր ազդեցությունը թողնում է շատ կարճ: 2007-ի տնտեսական աճում 600 մլ դոլար վաճառքից է եղել: Դա աճ չի»:
Հռիփսիմե ՋԵԲԵՋՅԱՆ
Ես յալանչիի խոսացածը ընդհամենը փուչ քամի է։ Երկիրը պետք է կոնկրետ արտադություններ կազմակերպի, այլ ոչ սուտ տոկոսներ ու կապիկություն անի։