«Կյանքի խոսք» կրոնական կազմակերպության հետևորդ Աշոտ Մկրտչյանը (անունը ազգանունը փոխված է), զինվորական ծառայության ընթացքում հակառակ իր կամքի ստիպված է եղել Հայ առաքելական եկեղեցու քահանայի գլխավորությամբ աղոթքներ անել:
«Երբ կասկածեցին, որ այլ կրոն եմ դավանում, ինձ տարան հրամանատարի մոտ, ստիպեցին հրաժարվել իմ կրոնից: Ինձ սկսեցին ծաղրել, սպառնացին, որ եթե մեր զորամասում ծառայող քահանայի ամենօրյա աղոթքներին չմասնակցեմ, ինձ համար վատ կլինի»,- «Մեդիալաբին» պատմում է Աշոտը:
Զորամասի ղեկավարության հետ խնդիրներ չունենալու համար նա 8 ամիս իր կամքին հակառակ Հայ Առաքելական եկեղեցու քահանայի կազմակերպած ծեսերին է մասնակցել:
Բանակում Հայ առաքելական եկեղեցու քահանաների ծառայությունը խնդիրներ է հարուցում կրոնական այլ կազմակերպությունների հետևորդ հանդիսացող զինծառայողների համար:
Չնայած ՀՀ Սահմանադրության 26-րդ հոդվածի համաձայն, «յուրաքանչյուր ոք ունի մտքի, խղճի և դավանանքի ազատության իրավունք», եւ կրոնի և համոզմունքների արտահայտման ազատությունը կարող է սահմանափակվել միայն օրենքով` ռազմական դրության, սահմանադրական կարգին սպառնացող վտանգի դեպքում, այնուամենայնիվ, իրավապաշտպաններն ահազանգում են. բանակում ծառայող հոգևորականները հավատաքննություն են իրականացնում: Նկատելով, որ «հոտից» շեղվող կա, այլ կրոն դավանող երիտասարդներին հետ սկսում են «դաստիարակչական աշխատանք» տանել՝ ստիպելով իրենց հետ աղոթքներ անել:
Կարդացեք նաև
Հոգևորականները դա բացատրում են նրանով, թե փորձում են «դարձի բերել» տարբեր կրոնական կազմակերպությունների անդամ հանդիսացող զինծառայողներին:
Պաշտոնական տվյալներով 2013 թվականին, Հայ առաքելական եկեղեցուց բացի, Հայաստանում գրանցված են եղել 64 այլ կրոնական կազմակերպություններ:
Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանն ասում է, որ Հայաստանի բոլոր կրոնական կազմակերպությունների ներկայացուցիչները, բացի «Եհովայի վկաներ» կազմակերպության անդամներից, պարտաճանաչ զորակոչվում են բանակ:
Նյութի մանրամասները կարող եք կարդալ
Իզուր են սովորել, ստացել քահանայի կարգավիճակ: Չեն տիրապետում խոսքի ուժին: Մարդկանց մեջ քարոզելը ամեն մարդու բան չի: Ուրիշ բան է քո հավատացյլաներին մի երկու խոսք ասելը, ուրիշ- որևէ աղանդի հետևորդին դարձի բերելը: Իրենք մեղավոր չեն, ամբողջ եկեղեցին է ծուլացել, դժվար է տեղից շարժվում, վտանգը չի զգում: