ԱԺ-ում քննարկվում է կառավարության ներկայացրած «Սահմանամերձ բնակավայրերին հարկային արտոնություններ տալու մասին օրենքների փաթեթը, որով նախատեսվում է սահմանամերձ գյուղական համայնքներում գործունեություն ծավալող տնտեսվարող սուբյեկտներին ազատել հարկերից: Այդ արտոնությունը վերաբերում է ինչպես ավելացված արժեքի հարկին, շահութահարկին, այնպես էլ եկամտահարկին:
ՀԱԿ խմբակցության պատգամավոր Հրանտ Բագրատյանը հիմնական զեկուցող, ֆինանսների փոխնախարար Վախթանգ Միրումյանին հարցրեց՝ այս օրենքով հարկային фարտոնությունների ցանկը հաստատում է կառավարությո՞ւնը, մոտավորապես քանի՞ բնակավայր կմտնեն սրա տակ, ունե՞ք հաշվարկներ:
Վախթանգ Միրումյանը պատասխանեց, որ այդ ցանկն առաջարկվում է, որ սահմանի կառավարությունը. «Հաշվարկ արել ենք, սահմանամերձ բնակավայրերի քանակը շատ մեծ է, հաշվարկը կատարել է մինչեւ 47 համայնքների համար»:
Հրանտ Բագրատյանը նաեւ հարցրեց՝ եկամտահարկի համար արտոնություն տալի՞ս եք, ասենք, դպրոցի գյուղում աշխատողի աշխատավարձի եկամտահարկի մասին է խոսքը. «Ասենք, Չինարի գյուղի դպրոցի ուսուցչուհուն տալի՞ս եք: Բացի այդ, ԵՏՄ ենք մտնում, ՌԴ-ի օրենքն ասում է, որ եկամտահարկը կիսվում է տեղական բյուջեի եւ ռուսական կենտրոնական բյուջեի միջեւ, մենք իրավունք ունե՞նք ՌԴ-ից պահանջել որ մեր ռեզիդենտից ստացված եկամտահարկը փոխանցի ՀՀ համապատասխան տարածքային բյուջե: Եվ հետո, հարկային փոփոխությունից սկսում է էռոզիայի գործընթաց, հարկային համակարգը այս փոփոխությունից հետո կդիմանա՞, թե՞ չէ»:
Կարդացեք նաև
Վախթանգ Միրումյանը Չինարիի դպրոցի ուսուցչուհու հետ կապված պատասխանեց, որ աշխատավարձերից օրենքն ասում է, որ եկամտահարկ է հաշվարկելու. «ԵՏՄ անդամակցությունը չի պարտադրում հարկերի գծով նույն քաղաքականությունն ունենալ: Նման նորմ նախատեսված չէ: Որեւէ պրակտիկա, որեւէ մոդել չկա, այդ հարցը դեռ չի քննարկվել»: Հրանտ Բագրատյանը զարմացավ՝ ԵՏՄ մտնելուց հետո ասենք, մեր Ալեքսանյանը կամ Պողոսյանն աշխատում են ՌԴ-ում, չե՞նք գնալու ասենք, եղբա՛յր, բա սրանց եկամտահարկը ո՞նց եք հաշվարկելու: Բնական է, որ պիտի անենք, չէ՞: Դուք պատասխանում եք, որ այդպիսի պրակտիկա չկա,: Այն ժամանակ ԵՏՄ էլ չկար, հիմա կա»:
Հռիփսիմե ՋԵԲԵՋՅԱՆ
